"كه‌س هه‌ق نه‌ێرێ باس كه‌مه‌وكردن بودجه‌ی كوردستان بكا"
فه‌رهاد ئه‌تروشی ئه‌ندام په‌رله‌مان عێراق له‌بان لیست هاوپه‌یمانی كوردستانی، له‌كۆنگره‌یگ وت: ماوه‌یگه پرۆژه یاسای بودجه‌ی ساڵ 2014 دوياخرياگه و ئه‌ڕا ده‌نگداين له‌بانی ڕه‌وانه‌ی په‌رله‌مان نه‌كرياگه، سه‌رۆك لیژنه‌ی دارایی حه‌یده‌ر عبادی وه‌كه‌ناڵه‌یل ميديايی وتگه ك مه‌مه‌ر ڕه‌وانه نه‌كردن بودجه، حكومه‌ت هه‌رێمی كوردستانه و داوا كردگه له 17% بودجه‌ی كوردستان كه‌مه‌و بكريه‌ێد، وه‌يخاتره بايه‌د بويشم ك ئه‌و خراوترین سه‌رۆك لیژنه‌ی دارایی په‌رلمانه و بايه‌د زیاتر مقه‌يه‌ت قسه‌گانی بوود.
ئه‌و په‌رله‌مانتار كورده هه‌ميش وت: هویچ كه‌س هه‌ق نه‌ێرێ له 17% بودجه‌ی كوردستان كه‌مه‌و بكا، چوينكه تا ئيسه داتا یا ئاماریگ له‌باره‌ی نیشته‌جايه‌يل كوردستان نیيه ئه‌ڕا ئه‌وه‌گ وه‌گوره‌ی مه‌ردم بودجه بدريه‌ێده كوردستان، وه‌لی ئيسه گفتوگوو له‌سه‌ر بودجه و بودجه‌ی كۆمپانیا بێگانه‌گان ك له بوار نه‌فت له‌هه‌رێم كوردستان كار كه‌ن، وه‌رده‌وامه.
ا. ج
