شماره‌ى قوربانيه‌يل كۆرۆنا روێ له به‌رزه‌وبوين كرد
2020-02-12T08:46:51+00:00
شه‌فه‌ق نيوز/ ده‌سڵاته‌يل ته‌ندروستى له چين، ئاشكراى به‌رزه‌وبوين شماره‌ى قوربانيه‌يل وه ڤايرۆس كۆرۆنا كردن له وڵاته‌گه ئه‌را 1,113 كه‌س و يه‌يش ده‌رخستن ك شماره‌ى ئه‌و كه‌سه‌يليشه ك تويشهاتنه ره‌سيه‌سه 44, 653 كه‌س.
له‌ى باوه‌تيشه‌و ليژنه‌ى ته‌ندروستى له هۆبى جه‌خت له تۆماركردن 1638 حاڵه‌ت تازه كرد له ناوچه‌گه ك ئه‌كه‌فێده ناوڕاس وڵاته‌گه‌و سه‌رچه‌وه‌ى بڵاوبوينه‌وه‌ى ئه‌و ڤايرۆسه بوێ له ديسه‌مبه‌ر گوزه‌يشت، جوور ئه‌وه‌گ فرانس پرێس ئاماژه وه‌پيكرد.
ليژنه‌گه وت: زياتر له 44653 حاڵه‌ت له سه‌رانسه‌ر چين تۆمار كرياگ، ئه‌ويش وه پشتبه‌سانن وه‌و شماره‌يله ك زويتر حكومه‌ت چينى بڵاويه‌و كرد.
