دياله وشداری مليتاريزه‌كردن جاده دا
توراس مه‌حموود قسه‌كه‌ر وه‌ناو پارێزگای دياله له‌باسيگ ئه‌را (شه‌فه‌ق نيوز) وت: ژنه‌فتيمنه سوو يه‌كشه‌ممه داواكارييگ هه‌س ئه‌را ده‌رچگن مه‌ردم له‌وه‌رخاتر خوه‌ينيشانداين دژ دامه‌زرانن حكوومه‌ت ناوچه‌يی، هه‌ر له‌وه‌ر ئه‌وه‌يش هاوردن سوپا ئه‌را ناو جاده‌يل دياله ره‌ته‌و ئه‌كه‌يم.
مه‌حموود هه‌ميش وت: ئيمه گشت وه‌ختيگ جه‌خت له‌وه ئه‌كه‌يم ك هايم وه‌ل خوه‌ينيشانداين ئاشتيانه وه‌مه‌رجيگ له مه‌رز ياسايی ده‌رنه‌چوود جوور ئه‌وه‌ك هه‌فته‌ی گوزه‌يشته رويداو په‌لامار سه‌ركرده‌يل سياسی دريا.
جی باسه، حكوومه‌ت ناوچه‌يی دياله وه‌رجه چه‌ن رووژيگ دامه‌زريا وه‌گووره‌ی رێككه‌فتنيگ له‌ناونی ره‌وت سه‌دری ك پۆست سه‌رۆكايه‌تی ئه‌نجوومه‌ن پارێزگا وه‌رگرت و ليست عراقيه‌ی دياله ك پۆست پاريزگار وه‌رگرت وه ئاماده‌نه‌وين ئه‌ندامه‌يل ئئتلاف ده‌وڵه‌ت ياساو دو ئه‌ندام له كورد له‌جه‌م سێ ئه‌ندام.
ج . أ
