جه‌عفه‌ری ومالكی وحه‌كيم ريككه‌فتن له‌بان وه‌رده‌وامی كرده‌وه‌يل سه‌ربازی له خوه‌رئاوای عراق
وه گووره‌ی به‌ياننامه‌يگ له‌لايه‌ن نويسينگه‌ی جه‌عفه‌ريه‌و ئه‌را(شه‌فه‌ق نيوز)ئه‌وه ده‌ركه‌فت ك جه‌عفه‌ری پيشوازی له حه‌كيم كردگه‌و هه‌ردوگلا باس له دويا رويداگه‌يل دوسيه‌ی ئاسايشی و سياسی كردنه له عراق و جه‌ختيش له‌بان خواست وه‌رده‌وامی كرده‌وه‌يل سه‌ربازی كردنه ئه‌را واڵبوين له‌بان ريكخرياگه‌يل ترۆريستی و بته‌وكردن نه‌خش هه‌واڵگری وه‌خاتر چه‌سپانن ئاسايش و مقه‌يه‌تيكردن له ئه‌زموون سياسی و ديموكراسی، ك وه‌و خاتريشه جه‌عفه‌ری چه‌وی كه‌فته‌سه مالكی و باس بار عراق و ئاماده‌گی هيزه‌يل ئاسايشی وه‌ليا كردگه وه ئامانج مقه‌يه‌تيكردن له گيان هاووڵاتيه‌يل.
به‌ياننامه‌گه يه‌يش ده‌رخست ك هه‌ردوگلا خوازيار به‌شداری كارايگ بوينه له هه‌ڵوژاردنه‌يل و له‌وه‌رچه‌وگرتن كه‌سه‌يل توانادار و خاوه‌ن ئه‌زموون وه جووريگ ك پلانه‌يل په‌ره‌داين داشتوود ئه‌را خزمه‌تكردن وه واقع عراق.
ج . أ
