بارزانی په‌يوه‌سكردن "هامارى نه‌ينه‌وا" وه تووڕ كاره‌بای كوردستان په‌سه‌ن كرد
2013-06-13T15:08:12+00:00
داسن سلێمان سه‌فو سه‌رۆك ئه‌نجوومه‌ن شاره‌وانی ناحيه‌ی به‌عشيقه له‌باسيگ ئه‌را (شه‌فه‌ق نيوز) وت: دويای په‌يوه‌نديه‌يل وه‌رده‌وام وه‌ل بڕيگ له لايه‌نه‌يل تايبه‌تمه‌ند له‌بوار وزه‌ی كاره‌با له حكوومه‌ت هه‌رێم كوردستان، ره‌زامه‌نی نێچيرڤان بارزانی سه‌رۆك حكوومه‌ت وه‌رگرتم ئه‌را په‌يوه‌سكردن تووڕ كاره‌با له قه‌زای حه‌مدانيه‌و هه‌ردوگ ناحيه‌ی به‌عشيقه‌و به‌رته‌له‌و گشت ئاوايه‌يل سه‌ر وه‌و ناحيه‌يله وه تووڕ كاره‌بای كوردستانه‌و.
سه‌فو هه‌ميش وت: ئی پرۆژه‌ی په‌يوه‌سكردن كاره‌با له رووژ شه‌ممه‌ی ئاينده ده‌س وه‌پی ئه‌كاو ئی ناوچه‌يل ناوبرياگ ٢٠٠ تا ٢٥٠ ميگاوات كاره‌بات وه‌رگريدو تاڕاده‌يگ له كيشه‌ی كه‌می كاره‌با كه‌مه‌و كريه‌يد له‌ی ناوچه‌يله.
ج . أ
