ژن و پياويگ وه تومه‌ت دزيكردن له هه‌ولێر ده‌سگير كريان
شه‌فه‌ق نيوز/ پۆليس پاريزگاى هه‌ولێر له هه‌رێم كوردستان، ئاشكراى ده‌سگيركردن ژن و پياويگ كرد دوياى ده‌سكه‌فتن زانيارى له‌بان وجوود دزێ له گه‌ڕه‌ك خه‌بات له‌ناوڕاس هه‌ولێر.
وه‌ڕيه‌وبه‌رايه‌تى پۆليس له به‌ياننامه‌يگ ئه‌را شه‌فه‌ق نيوز وت: دوياى ده‌سكه‌فتن زانياريه‌يليگ پڕ دقه‌ت له‌باره‌ى كه‌فتنه‌وه‌ى حاڵه‌تيگ دزيكردن، ئاگادار پۆليس دژه تاوان كريا له‌باره‌ى وجوود دزێ له گه‌ڕه‌ك خه‌بات و يه‌كسه‌ر پۆليسيش ره‌سيه شوون مه‌به‌س و ده‌سكرده په‌يجوورى له‌و باوه‌ته‌وه‌و تويه‌نست ژن وپياويگ ده‌سگير بكا ك ئه‌و تاوانه ئه‌نجام دانه.
به‌ياننامه‌گه يه‌يش ده‌رخست ك هه‌ردوگ تومه‌تبار(ع خ ع)ته‌مه‌ن 31 ساڵ و (چ ف ا)ته‌مه‌ن 19 ساڵ دگان وه‌و دزيكردنه نانه ك 3400 دۆلار ئه‌مريكى و دو مليۆن و چوارسه هه‌زار دينار عراقى و 13 مسقاڵ ته‌ڵا له هاوساگه‌يان دزينه.
