پێشمه‌رگه‌يگ له سلێمانى له‌ئه‌نجام ته‌قينه‌وه‌يگ گيان له‌ده‌سدا
2020-01-30T20:08:21+00:00
شه‌فه‌ق نيوز/ سه‌رچه‌وه‌يگ ئاگادار له سلێمانى وت: پێشمه‌رگه‌يگ له ئه‌نجام ته‌قينه‌وه‌ى نارنجۆكيگ ده‌سى له ناوچه‌ى ئاوه‌سپى له مه‌رز ئداره‌ى گه‌رميان گيان له‌ده‌سداگه.
سه‌رچه‌وه‌گه ئه‌را هووكاره‌يل ره‌سانن ناوچه‌يى وت: ئه‌و پێشمه‌رگه سه‌ر وه ليواى 128 بويه له ناوچه‌ى ئاوه‌سپى له‌ناونى هه‌ردوگ ئاوايى "قه‌ڵا" و"مه‌حمود به‌گ" له‌ئه‌نجام ته‌قينه‌وه‌ى نارنجۆكيگ ده‌سى ك وه‌ده‌س خوه‌يه‌و بويه.
سه‌رچه‌وه‌گه وت: ئه‌و پێشمه‌رگه ناوى "س س م" بويه‌و چيه چيلگ گرده‌و بكا ئه‌را ئه‌وه‌گ ئاگرى بيه‌ن و شه‌و خوه‌يان وه‌پى گه‌رمه‌و بكه‌ن و نارنجۆكيگ وه‌پى بويه‌و له‌ئه‌نجام ده‌رچگن هه‌ڵقه‌ى نارنجۆكه‌گه له شوون خوه‌ى يه‌كسه‌ر ته‌قيه‌و كوشته‌سه‌ێ.
