پێشمه‌رگه‌ له‌ ئاواييگ خانه‌قين شكه‌ست وه‌ په‌لاماريگ سه‌خت داعش هاورد

پێشمه‌رگه‌ له‌ ئاواييگ خانه‌قين شكه‌ست وه‌ په‌لاماريگ سه‌خت داعش هاورد
2019-09-05T10:34:04+00:00

شه‌فه‌ق نيوز/ ده‌مه‌و شه‌وه‌كى ئمڕوو هيزه‌يل پێشمه‌رگه‌ شكه‌ست وه‌ په‌لاماريگ هاوردن ك له‌لايه‌ن ريكخرياگ داعشه‌و ئه‌نجام دريا ئه‌را بان يه‌كيگ له‌ ئاوايه‌يل خانه‌قين كيشه‌ له‌سه‌ر له‌ناونى هه‌ولێر و به‌غدا.

 

چه‌كداره‌يليگ سه‌ر وه‌ ئه‌و ريكخرياگ تونڕه‌و په‌لامار ئاوايى كانى ماسى دان له‌ خانه‌قين، وه‌لێ له‌لايه‌ن هێزه‌يل پێشمه‌رگه‌ له‌و را روێ وه‌ڕوێ بوينه‌وه‌و جه‌نگ سه‌ختيگ روێدا ك وه‌گووره‌ى سه‌رچه‌وه‌يگ وه‌رپرس ئه‌منى له‌و په‌لاماره‌ هويچ زه‌ره‌ديگ له‌ ڕزه‌يل پێشمه‌رگه‌ نه‌كه‌فته‌سه‌و.

 

جى باسه‌، يه‌يش يه‌كه‌مجار نيه‌ ئاوايه‌يل ده‌ورگرد خانه‌قين تويش په‌لاماره‌يل داعش بان، وه‌لێ ئه‌و په‌لاماره‌يله‌ له‌ى رووژه‌يل دوياخره‌ دوباره‌وه‌ بوياد.

Shafaq Live
Shafaq Live