په‌رله‌مان كوردستان داوا له لايه‌نه‌يل سياسى ئه‌كا دانيشتن ئه‌را دامه‌زرانن حكومه‌ت ساز بكه‌ن
2019-06-04T11:23:23+00:00
شه‌فه‌ق نيوز/ سه‌رۆكايه‌تى په‌رله‌مان هه‌رێم كوردستان، وه‌بوونه‌ى جه‌ژن ره‌مه‌زان پيرووزه‌وه موباره‌كبايى كرد.
سه‌رۆكايه‌تى په‌رله‌مان وه‌ى بوونه‌يشه‌و داوا له گشت هيز و لايه‌نه‌يل سياسى و به‌شدار له حكومه‌ت كرد وه زويترين وه‌خت دانيشتن ساز بكه‌ن و بڕه‌سنه له‌يه‌كڕه‌سينه‌وه له‌وه‌ر خاتر دامه‌زرانن كابينه‌ى نۆيه‌م هه‌رێم كوردستان.
دوياى كووتاييهاتن هه‌ڵوژاردنه‌يل سه‌رۆكايه‌تى هه‌رێم له مانگ ئه‌يلول ساڵ گوزه‌يشت و ئاشكراكردن ئه‌نجامه‌يل كووتايى، پارت ديموكرات كوردستان ك سه‌ركه‌فتگ يه‌كه‌م بوێ هه‌وڵ دامه‌زرانن حكومه‌ت تازه‌ى هه‌رێم كوردستان ئه‌ياد.
