پارتى جواو خه‌زعه‌لى داره‌و: له‌وه‌ر‌ حورمه‌ت عه‌بدولمه‌هدى سه‌بر كرديم و بيده‌نگ بويم

پارتى جواو خه‌زعه‌لى داره‌و: له‌وه‌ر‌ حورمه‌ت عه‌بدولمه‌هدى سه‌بر كرديم و بيده‌نگ بويم
2019-10-17T20:06:22+00:00

شه‌فه‌ق نيوز/ پارت ديموكرات كوردستان، لێدوانه‌يل قه‌يس خه‌زعه‌لى سه‌ركرده‌ى عه‌سايب ئه‌هل هه‌ق ره‌ته‌وكرد له‌باره‌ى گله‌وخواردن باره‌گايه‌يل پارت ديموكرات كوردستان له‌ كه‌ركوك وه‌ سه‌ركردايه‌تى فه‌رمانده‌يى هاوبه‌ش و حه‌شد شه‌عبى.

 

له‌و باوه‌ته‌و، كه‌مال كه‌ركوكى سه‌رۆك ئه‌نجومه‌ن سه‌ركردايه‌تى كه‌ركوك - گه‌رميان پارت ديموكرات كوردستان، له‌ به‌ياننامه‌يگ ئه‌را قه‌يس خه‌زعه‌لى و هاوشيوه‌يلێ وت: بايه‌سه‌ خاس بزانين له‌وه‌گ ئه‌گه‌ر له‌وه‌ر حورمه‌تمان ئه‌را خود عادل عه‌بدولمه‌هدى سه‌رۆك وه‌زيره‌يل و دووسه‌يل ره‌سه‌ن ملله‌ت عراق نه‌وياتاد و ئه‌گه‌ر له‌وه‌ر حورمه‌تمان ئه‌را كه‌س خاس ناونى هه‌رێم كوردستان و حكومه‌ت فيدراڵى نه‌وياتاد، بيده‌نگ نه‌ويمن و سه‌بر نه‌كرديايم تائيسه‌.

 

كه‌ركوكى وت: نه‌ تن و نه‌ راكان جبورى و نه‌يش سعه‌د حه‌ريه‌ ئه‌تويه‌نين ئه‌را له‌حزه‌يگيش كار وه‌ ئسراحه‌ت بكه‌ين له‌ هه‌ر باره‌گايگ له‌ باره‌گايه‌يل پارت ديموكرات كوردستان.

 

جى باسه‌، يه‌يش له‌وه‌ختيگه‌ زويتر خه‌زعه‌لى وشدارى له‌ راده‌سكردن باره‌گايه‌يل له‌ پاريزگايه‌يل كه‌ركوك وه‌ پارتى و وه‌كرده‌وه‌يگ نادراسه‌تكرياێ و هه‌ڵه‌ تاريفى كرد.

Shafaq Live
Shafaq Live