گورزیگ ئیرانی زەرەدەیل سەختیگ رەسنێدە بارەگای حزبیگ کوردی لە هەولێر
2020-08-03T16:33:20+00:00
شەفەق نیوز/ حزب دیموکرات کوردستان ئیران، ئمڕوو دووشەممە، ئاشکراکرد ک هێزەیل ئیران گورزیگ دانە بارەگایل پێشمەرگەی حزبەگە وە وەفڕۆکەیل بیفڕۆکەوان و مووشەک ، لە ناحیەی سمیڵان لە باکوور پارێزگای هەولێر، و ئاماژەدا ک گورزەگە زەرەد دارایی گەورایگ دا وەبی زەرەد لەگیان. کاوە بەهرامی، ئەندام دەسەی کارگێڕی لە حزب دیموکرات کوردستان ئیران ئەرا ئاژانس شەفەق نیوز وت: سوپای ئیران ئمڕوو گورز وه‌شانیه له بارەگای هێزەیلمان وە فڕۆکەی بیفڕۆکەوان و مووشەک. وتیش؛ گورزەگە زەرەد گەورایگ داگە یەکیگ لە بارەگەیلمان لە کویەگان، وەلی زەرەد گیانی نەیاشت، وگشت ئەندامەیل هێزەیل پێشمەرگەمان سەڵامەتن.
