وە هەفتەیگ.. داهات نانەفتی سلێمانی لە ١٠ ملیار دینار رەد کەێد
2024-05-10T11:11:19+00:00
شەفەق نیوز/ ماڵپەڕ شەفافیەت لە دیوان جگر سەرۆک حکومەت هەرێم کوردستان، ئمڕوو جمعە، داهات نانەفتی پارێزگایل سلێمانی و هەڵەبجە و ئیدارەی گەرمیان و رابەرین لە ماوەی هەفتەی گوزەشتە ئاشکرا کرد، کە بڕ 10 ملیار دینار رەد کردگە.
وەگورەی ڕاپۆرت ماڵپەڕ شەفافیەت، کە رەسیە ئاژانس شەفەق نیوز: داهات نانەفتی لە پارێزگایل سلێمانی و هەڵەبجە و ئیدارەیل گەرمیان و راپەڕین لە رووژ ٤ ئایار تا ئمڕوو ١٠ی ئایار، ١٠ ملیار و ٥٠٦ ملیۆن و ٩٧٢ هەزار و ٧٠٨ دینارە.
ماڵپەڕەگە وتیش: 83% لەو داهاتە وە شیوەی کاش بویە، 17%یشیان وە شیوەی چێک هاتگە.
