وێنە.. ٤ کوشیان و ٦ زەخمدار وە رووداو دڵتەزنیگ ناوبەین هەولێر و دهۆک
شەفەق نيوز/ رائید فازڵ حاجی قسەکەر پۆلیس هاتوچوو پارێزگای هەولێر، ئمڕوو شەممە، خەوەردا لە کوشیان و زەخمداری ١٠ کەس وە رووداو دڵتەزنیگ لەبان ڕی سەرکی ناوبەین هەولێر و دهۆک.
قسەکەرەگە لە بەیاننامەیگ رەسیە ئاژانس شەفەق نیوز وت: دۊیەشەو لە ساعەت ١١:٣٠ ، رووداویگ لەیەکداین دوو ماشین لەبان پوڵ گوپاڵ لەناوبەین شار هەولێر بۊی ک تا ئیسە تەواو نەۊیە.
و دیاری کرد ک رووداوەگە لەناوبەین ماشینیگ مارکەی تويوتا کرواتیا وەگەرد فۆرد موستانکیک لەبان ئەو پەڵە بۊێ، ک تەنیا یەک لەی ئەرا هاتووچگن وازە.
قسەکەرەگە وتیش: رووداوەگە بۊیە هووکار کوشیان چوار کەس و زەخمداری شەش کەس، لەوەر هەڵەی رانندەی تويوتاگەخ هەنای وە تونی فرەیگ رانێد و ماشینەگە لەدەست دەرچگ تا بەێدە ئەو ماشینەگە و لەبان پوڵەگە بکەفێدە خوار،
و دیاری کرد ک گشت قوربانیەیلە لە سوارەیل دوو ماشینەگە بۊین.
