نێچيروان بارزانى ئاشكراى پشتگيرى ته‌واويگ له‌ ژنه‌يل و يه‌كسانييان كرد له‌ هه‌رێم

نێچيروان بارزانى ئاشكراى پشتگيرى ته‌واويگ له‌ ژنه‌يل و يه‌كسانييان كرد له‌ هه‌رێم
2019-11-25T18:58:30+00:00

شه‌فه‌ق نيوز/ نێچيروان بارزانى سه‌رۆك هه‌رێم كوردستان, وه‌بوونه‌ى رووژ جه‌هانى روێ وه‌ڕوێ بوينه‌وه‌ى تون وتيژى دژ ژنه‌يل، جه‌خت له‌ ئيراده‌ى سياسى كرد ئه‌را پشتگيرى و كار وه‌رده‌وام له‌بان مه‌سه‌له‌ى دادگه‌رى كۆمه‌ڵايه‌تى و يه‌كسانى له‌ناونى هه‌ردوگ ره‌گه‌ز له‌ هه‌رێم كوردستان.

 

بارزانى له‌ به‌ياننامه‌يگ وت: له‌ساڵ 2007ه‌و حكومه‌ت هه‌رێم كوردستان له‌ى بوونه‌ ئاشكراى هه‌ڵمه‌تيگ ئه‌كا ك وه‌رده‌وامه‌ ئه‌را ماوه‌ى شانزه‌ رووژ و كاره‌يل و چالاكيه‌يل فراوانيگ ئه‌گرێده‌و ك ئامانج له‌لى له‌ناوبردن تون وتيژى و جيوه‌جيكردن دادگه‌ريه‌، ك وه‌تايبه‌ت دوياى ده‌ركه‌فتن داعش و تاوانه‌يلى و له‌ناوبردن وه‌جه‌م ئێزيديه‌يل ك كاره‌سات گه‌وراى ئنسانى له‌لى كه‌فته‌و، هه‌رێم كوردستان وه‌شيوه‌يگ خاس و شايسته‌ وه‌ل ئى مه‌سه‌له‌ مامڵه‌ كردگه‌.

 

سه‌رۆك هه‌رێم كوردستان هه‌ميش وت: ئيمه‌ له‌ سه‌رۆكايه‌تى كۆمار ديد ستراتيجى فراوانيگ دانايمنه‌ ئه‌را ئه‌وه‌گ بدێده‌ نه‌خشه‌ڕييگ له‌وه‌ر مقه‌يه‌تيكردن له‌ ماف ژنه‌يل و پته‌وكردن پايه‌ى له‌ كۆمه‌ڵگاو هه‌ر وه‌و خاتريشه‌ وه‌ل لايه‌نه‌يل په‌يوه‌ندارى له‌بانى كار ئه‌كه‌يم و داوايش له‌ گشت چين و پيكهاته‌يل كۆمه‌ڵگاى كوردستان ئه‌كه‌يم به‌شدارى كارايگ داشتوون له‌ كاره‌يل و چالاكيه‌يل ئى شانزه‌ رووژه‌ ئه‌را روێ وه‌ڕوێ بوينه‌وه‌ى تون وتيژى دژ ئافره‌ته‌يل.

Shafaq Live
Shafaq Live