لە دهۆک..دەسکرێدە هەڵمەت ڤاکسین دژە کۆرۆنا ئەرا 40٪ لە دانشتوانەێلە
شەفەق نیوز/ تەندروسی دهۆک لە هەرێم کردستان، ئمڕوو شەممە، دەسکردە هەڵمەتێگ ڤاکسین دژ وە ڤایرۆس کۆرۆنا لە گشت ناوچەێل پارێزگاگە.
وەڕێوبەر گشتی تەندروسی ئەفرازیاب لە کۆنگرەێگ ڕووژنامەوانیگەی ئمڕوو ک ئاژانس شەفەق نیوز ئامادەبۊی وت: "هەڵمەت گەپێگ لە گشت ناوچەیل پارێزگاگە دەسکریایە وەپی ئەرا زیایکردن شمارە ڤاکسیندەرەێل دۆمای فراوان کردن دەرەێل بنکەێلە لە ناو و دەێشت پارێزگاگە"، و نشان دا لەی وەختە " بنکەێل لە ناو کەمپ ئاوارەێل و پەنابەرەێلە وازکریایە وە پشتگیری ریکخریاگ تەندروسی جەهانی و رێکخریاگ جەهانیەێل تر".
ئەفرازیاب باسکرد " وەی دۆماییە بنکەێلە لە قوڵتیسەی شارەگە وازکریایە لە هۆل یانەی دهۆک، هۆل پەروەردەی دهۆک، و هۆل رووشنهۊری لە زاخۆ، و چوار تیم تەندروسی لە گشت قوڵتیسەێگ"، وباسکرد "لە ساعەت 1 نیمەڕو و تا 6 ئیوارە گشت ڕووژێگ کارکەن لە بنکەێل تەندروسی حکومی تایوەتێل وە ڤاکسینداین".
وەرێوبەر تەندروسی دهۆک نشان دا " ڕیژەی ڤاکسیندەرێل لە پارێزگاگە رەسیە 30٪ لە کەسێل تاقە بەش یەکەم دانە و 20٪ هەردوو تاقە بەشەگە وەرگردنە"، وباسکرد "ورێوەرایەتی تەندروسی دهۆک دۆمای ئی هەڵمەتە ڕێژەی ڤاکسین دەرێل رەسێدە 4٪ وەرجە ئی سەرساڵە"، ئەفرازیاب داوا لە هاوڵاتیەێلە کەێد "بچنە بنکەێلە ئەرا وەرگرتن ڤاکسین"، هۆشداری دا لە " رۊیوەرۊی بۊین پارێزگاگە لە شەپۆل چوارەم لە ڤایرۆس کۆرۆنا".
