"كۆرۆنا" وه‌رده‌وامه له گيان سه‌ندن و تويشهاوردن كورده‌يل فه‌يلى
2020-03-29T20:07:34+00:00
شه‌فه‌ق نيوز/ پاريزگاى ئيلام فه‌يلى و كرماشان، وه‌رده‌وامه له تۆماركردن به‌رزه‌وبوين شماره‌ى حاڵه‌ته‌يل مردن و تويشهاتن وه ڤايرۆس كۆرۆنا.
له‌و باوه‌ته‌و، دكتۆر محه‌مه‌د كه‌ريميان سه‌رۆك انكۆى زانسته‌يل پزيشكى له ئيلام، وت: جه‌م تويشهاتن وه ڤايرۆس كۆرۆنا له پاريزگاگه ره‌سيه‌سه 274 كه‌س و 24 له‌ليان گيان له‌ده‌سدانه.
لاى خوه‌ييشه‌و دكتۆر ئبراهيم شه‌كيبا قسه‌كه‌ر وه‌ناو شانه‌ى قه‌يران تايبه‌ت وه ڤايرۆس كۆرۆنا له زانكۆى زانسته‌يل پزيشكى له كرماشان، وت: له جه‌م 1147 حاڵه‌ت گومانليكردن وه كۆرۆنا ته‌شخيس 213 حاڵه‌ت كرياگه‌و 27 كه‌س له‌ليان گيان له‌ده‌سدانه و باس له‌وه‌يش كرد 135 حاڵه‌ت تر هانه ژير چه‌وديرى پزيشكى.
