كورد له سوريا له‌باره‌ى په‌يوه‌ندى وه‌ل ره‌فعه‌ت ئه‌لئه‌سه‌د ئاشكراكردنيگ دا
شه‌فه‌ق نيوز/ كورد له سوريا، وجوود هه‌ر سه‌رچه‌وه‌يگ په‌يوه‌ندى وه‌ل ره‌فعه‌ت ئه‌لئه‌سه‌د براى حافز ئه‌لئه‌سه‌د سه‌رۆك كووچكردگ سوريا و مامه‌ى به‌شار ئه‌سه‌د سه‌رۆك ئيسه خستنه دروو.
له‌ى باوه‌ته‌و، ئه‌نجومه‌ن سورياى ديموكرات- باڵ سياسى هيزه‌يل سورياى ديموكرات ك يه‌كينه‌يل پاسه‌وان ملله‌ت كورد هيز سه‌ره‌كيى پيك ئه‌يه‌رێد، وت: ئه‌و راپۆرته‌يله ك له‌لايه‌ن بڕيگ له هووكاره‌يل ره‌ساننه‌و بڵاو كريانه له‌باره‌ى وجوود په‌يوه‌ندى و هاوكارى له‌ناونى ره‌فعه‌ت ئه‌لئه‌سه‌د و ئه‌نجومه‌ن سورياى ديموكرات، دويره له‌ڕاسى.
ئه‌نجومه‌نه‌گه هه‌ميش وت: هه‌ر لايه‌نه‌يليگ ئيچنه هه‌واڵه‌يليگ بڵاو ئه‌كه‌ن هه‌وڵ ئه‌وه ئه‌يه‌ن گامه‌يل ئه‌نجومه‌نه‌گه له هه‌وڵه‌يلى ئه‌را چاره‌سه‌ر قه‌يران سوريا له‌ڕێ گفتگووه‌و خراو بكاو داوايش له رووژنامه‌نويسه‌يل كرد وشدار بوون و رووان راسى بارنه كار له بڵاوكردنه‌وه‌و جيوازكردن هه‌واڵ و پابه‌ند بوون وه پێوه‌ره‌يل په‌يوه‌س وه پيشه‌ى ره‌سانن.
