زەخمداری 11 خوەنەوار یەک خیزان وە پلیان پاسیگ لە دهۆک
2023-11-15T13:04:35+00:00
شەفەق نیوز/ نێچیرڤان فەخرەدین قسەکەر فەرمانگەی تەندروسی قەزای ئاکرێ سەر وە پارێزگای دهۆک، ئمڕوو چوارشەممە، خەوەردا لە رویدان رویداو پلیان پاسیگ کە 11 خوەنەوار هەڵگردبوی لە مەوقەی بردنیان ئەرا مەکتەو، لەئەنجام گشتیان تویش زەخمداری هاتنە.
فەخرەدین لە گفتوگویگ وەگەرد ئاژانس شەفەق نیوز وت، دەسوەجی زەخمدارەیلە ئەرا خەسخانەی ئاکرێ کلکردنە ئەرا وەرگردن چارەسەر پێویست، دووانیانیش ئەرا یەکیگ لە خەسخانەیل دهۆک کلکریانە لەوەر سەختی زەخمداریەگەیان.ئاشکەرایکرد تەمەنیان لەناوەین 13 تا 18 ساڵانن، گشتیان سەر وە یەک بنەماڵەن، لە یەک ئاوای نزیکیگ لە قەزای ئاکرێ دانشتنە.
