دوو کەس ئیرانی دەسگیر کريان کە یەکيگیان لە نزیک ماڵ ئەو بازرگانە کوردە بویە کە لە هەولێر بۆردومان کریا
ئەو سەرچەوە ئەرا ئاژانس شەفەق نیوز ڕاگەیان، دویەشەو ساعەت 11:00 کابرایگ ئیرانی لەناو یەکیگ لە مزگەفتەیل شار هەولێر وە توومەت سیخوڕی دەسگیر کریا و و دریا دەس هیزە ئەمنییەیل.
هاوڵاتییەیل ئی کەسە لەناو مزگەفتەگە دەسگیرکردن و دانەی دەس هیزە ئەمنییەیل.
وتیش: کەس دویەم ئیرانی لەناو قەورسانیگ نزیک ماڵ بازرگان (پێشڕەو دزەیی) دەسگیرکریا، ئەوەیش دەسنشان ئەوە کردیش کە ئەو ئیرانییە دەسگیرکریاس دوو مۆبایل وەپی بویە.
سەرچەوەیگ ئەمنی فەرمی شەفەق ئمڕوو بڵاو کرد کە لە ئەنجام گورز سوپای پاسداران ئیران، کە چەن شوینیگ لە شار هەولێر پایتەخت هەرێم کوردستان کردە ئامانج، بازرگانیگ ناسریای کوشیا.
ئەو سەرچەوە ئەرا ئاژانس شەفەق نیوز وت: لەناو قوربانییەیل بازرگان (پێشڕەۆ دیزیی) وەگەرد ژنەگەی مردنیان دیاری کریا.
خود سەرچەوەگە ئەرا ئاژانس شەفەق نیوز دیاری کرد کە وەرجەیە چەن گورزیگ ماڵ بازرگانە کوردەگە (پێشڕەو دیزیی) خاوەن نی کۆمەڵگەی “ئەمپایەر” و شمارەیگ کۆمپانیای بازرگانی کردنه ئامانج.
لەلای خوەییش هێمن هەورامی، ئەندام مەکتەب سیاسی پارتی دیموکراتی کوردستان لە پۆستیگ لە ماڵپەڕ “X” بڵاو کرد: ئەو پەلامار چزداین ئمشەو لەلایەن سوپای پاسداران ئیرانەو لە هەولێر، ماڵیگ مەدەنی کردە ئامانج. خاوەن ماڵەگە (پێشڕەو دیزیی) و چوار ئەندام بنەماڵەگەی شەهید بوین”.
سوپای پاسداران وەرپرسیارێتی خوەی لەو پەلامار هەڵگرد کە هەولێر کردە ئامانج و لە بەیاننامەیگ ڕاگەیان کە “لە وەڵام تاوانەیل رژیم زایۆنیستی دژ وو کۆمار ئیسلامی هاتن کە بوینە مدوو کوشتن شمارەیگ لە سەرکردەیل سوپای پاسداران، بارەگای گەورەی سیخوڕی ئەرا مۆساد لە ناوچەی کوردستان عراق کریا ئامانج وە مووشەک پالیستی." "
ئەنجومەن ئاسایش هەرێم کوردستان، شەوەکی ئمڕوو، ئەو پەلامار مووشەکی سوپای پاسداران ئیرانە، کە ناوچەیلیگ لە شاری هەولیر کردە ئامانج، وە "پێشێلکردن ئاشکرای سەروەری" هەرێم کوردستان و گشت عراق دادە قەڵەم.
ئەنجومەنەگە لە بەیاننامەیگ وت: لە ساعەت ١١:٣٠ شەو ١٥ تا ١٦ی کانوون دویەم ٢٠٢٤، سوپای پاسداران ئیران وە مووشەک بالیستیکی پەلامار چەن ناوچەیگ شار هەولێری دا، کە وەداخەو - وەگورەی شمارەی سەرەتایی - بویە هوکار شەهیدبوین 4 هاوڵاتی مەدەنی و زەخمداری شەش کەسی ترەک، بەشیگیان زەخمییان سەختە.
