دریژتر کردن دیوارەێ نام‌بەێن سنوور تورکیە و ئێران
2021-09-17T20:31:38+00:00
شەفەق نیوز/ رووژنامەێ تورکیەئی "حوڕیەت" دە هەواڵێ نووسانگە ک 242 کیلوومترێ تر وە 221 دیوار ئەمنییەتی دە نامەێن سنوور ئێران و تورکیە زیاترەو دکرێ.
وەوجوورە ک وتریاگه ئیجوورە کارەێلێ ئەڕا نواداری لە پەلەمار هاوردن گشت پەنابەرەێلە دووفێشتر پەلەماربەرەێل ئەڤغانی وە تورکیەسە ک دخوازن لەێ وڵاتەوە بچن ئەڕا ئورووپا.
"سوڵەێمان سویلو" وەزیر کشوەر تورکیەیش دە قسەێلێ وتگە: لە ساڵ 2016 تا ئێسە نزیکەی دوسەد و هەشتا و چوار هزار پەنابەر وە ئێران ئەڵگەردانگەسەو ئوو بێ ژە ئەوەیش بان چوارسەد و شەس و دو هزار پەنابەر سووری هەم وە وڵاتەگەیان گلەو داگه.
سویلۆ وتگە: ئیمە دیریمن وەرد ئێران دە بان گیچەڵ پەنابەرەێل ئەڤغانی، باس و قسە دکەیمن.
