داعش شکست تیەرێد لە رفانن ژنیگ ئەیزیدی لە دویای ڕزگارکردنی لە دەسی
2020-09-25T15:46:40+00:00
شەفەق نیوز/ سەرچەوەیگ خۆجێیی، ئمڕوو جمعە، خەوەردا وە رزکاربوین ژن ئەیزیدییگ لە خەڵک ئاوای ( کۆجو) لە شەنگال، لە تەقەلای رفاننی لە کامپ ( هول) لە سوریا.
خودیدا جوقی وەڕێۆبەر ناحیەی سنونی لە قەزای شەنگال ئەرا ئاژانس شەفەق نیوز وت: هێزەیل قەسەدە شکست وە تەقەلای قاچاخچییگ لە داعش هاوردن لە بردن نەسرین ژنە ئەیزیدیەگە ئەرا شوونیگ تر، وتیش؛ هێزەیل قەسەدە دەسکیر قاچاخچیەگە کردن، ک خوەی لە ریخریاگ داعشە، وژنەگە ئازاد کریا وبریا ئەرا شار حەسەکە.
هەمیش وت: لایەنە فەرمیەگان هانە چەوەڕی کەسوکارەیل نەسرین تا وەریبگرن، و دیاریکرد ک باوگ وداڵگ نەسرین و خوەشکەگەی ریخریاگ داعش لە ئاوای کۆجو رفانەیان لەوەخت داگیرکردن شەنگال لە ساڵ ٢٠١٤، وهیمان چارەنووسیان نادیارە، و شیرین ویاسەمین خوەشکەیلی لە ٢٠١٩ رزگار کریان.
