دارایی کوردستان ٤٠٠ ملیار دینار لە بەغداد وەرگرێد و مەوقەی بەشەوکردن مووچە دیاری کەێد
2023-06-15T12:22:34+00:00
شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو پەنجشەممە، هەواڵەکردن ٤٠٠ ملیار دینار لە بەغداد ئەرا هەژمار بانکی راگەیان ئەرا سپۆنسەرکردن مووچەی فەرمانبەرەیل.
وەزارەتەگە لە بەیاننامەیگ رەسیە ئاژانس شەفەق نیوز وت: وە بڕیار ئەنجومەن وەزیرەیل فیدراڵی، ئمڕوو ٤٠٠ ملیار دینار ئەرا هەژمار بانکی وەزارەتەگە لە لق هەولێر لە بانک ناوەندی لەڕی بانکەیل رەشید و رافدەین هەواڵە کریا.
بەیاننامەگە وتیش: ئەوەسا لە ١٨ی ئی مانگەو دەسوە بەشەوکردن مووچەی فەرمانبەرەیل کریەێد، و تەندروسی بوودە یەکەم وەزارەت.
