توركيا زياتر له‌ 10 ناوچه‌ له‌ هه‌رێم كوردستان و نه‌ينه‌وا بۆردومان كرد

توركيا زياتر له‌ 10 ناوچه‌ له‌ هه‌رێم كوردستان و نه‌ينه‌وا بۆردومان كرد
2020-06-15T08:17:57+00:00

شه‌فه‌ق نيوز/ دويه‌شه‌و ديره‌ وه‌ختيگ ته‌ياره‌يل جه‌نگيى توركيا، بنگه‌يليگ سه‌ر وه‌ پارت كارگه‌ره‌يل كوردستان وه‌ چڕى بۆردومان كردن، وه‌تايبه‌ت له‌و شوونه‌يله‌ په‌كه‌كه‌ وجوود ديرێد له‌ناو خاكه‌يل هه‌رێم كوردستان و پاريزگاى نه‌ينه‌وا، له‌ چوارچيوه‌ى پرووسه‌يگ سه‌ربازى ك له‌لايه‌ن ئه‌نقه‌ره‌وه‌ ده‌س وه‌پيكريا.

له‌ى باوه‌ته‌و، سه‌رچه‌وه‌يگ ئه‌منى ئاگادار ئاژانس شه‌فه‌ق نيوز كرد، ته‌ياره‌يل جه‌نگيى توركيا بنگه‌يليگ سه‌ر وه‌ پارت كارگه‌ره‌يل كردنه‌سه‌ ئامانج له‌ هه‌ريه‌ك له‌: شه‌نگاڵ، مه‌خمور، ئه‌لزاب، قه‌نديل، خواكۆڕك، برادۆست، هه‌ردوگ كويه‌يل كاره‌ و مه‌تين، زه‌ينى وه‌رتى و ناوچه‌يل تر باڵه‌كايه‌تى.

سه‌رچه‌وه‌يگ تر ئه‌منى ئاگادار ئاژانس شه‌فه‌ق نيوز كرد ده‌يان مووشه‌ك بنگه‌يليگ سه‌ر وه‌ پارت كارگه‌ره‌يل كوردستانى كردنه‌سه‌ ئامانج له‌ ده‌ورگرد ئۆردوگايگ ئاواره‌يل كورد توركيا له‌ قه‌زاى مه‌خمور له‌ باشوور خوه‌رهه‌ڵات موسڵ.

Shafaq Live
Shafaq Live