توركيا ئاشكراى ده‌سوه‌پيكردن پروسه‌يگ تازه‌ى سه‌ربازێ كرد له‌ناو هه‌رێم كوردستان
2019-09-27T12:06:17+00:00
شه‌فه‌ق نيوز/ ئاژانس ئه‌نادۆڵ توركى، ئاشكراى ئه‌وه كرد سوپا وه‌ل هه‌وڵگيرى توركى ده‌سكردنه‌سه پروسه‌يگ هاوبه‌ش له‌ناو خاكه‌يل هه‌رێم كوردستان عراق.
له‌و باوه‌ته‌و، ئاژانسه‌گه وت: هيز ئاسمانى توركى چه‌ن په‌لاماريگ دژ چه‌كداره‌يل پارت كارگه‌ره‌يل له ناوچه‌ى غارا ئه‌نجام داگه‌و دوو چه‌كدار له هيزه‌يل تايبه‌ت سه‌ر وه په‌كه‌كه ده‌سنيان كردگه.
جى باسه، له 27 مايۆ گوزه‌يشت هيزه‌يل توركى پروسه‌يگ تر وه‌ناو ئه‌لمه‌خله‌ب له ناوچه‌ى هاكۆرك له باكوور عراق ئه‌نجام دان وه ئامانج له‌ناوبردن مه‌ترسيه‌يل تيرۆر ك هه‌ڕه‌شه له وڵاته‌گه ئه‌كاو دوياى ئه‌وه‌يش پروسه‌يگ تر له‌شوونى ئه‌نجام دريا له 13ى يۆليۆى گوزه‌يشت و دوياتريش پروسه‌يگ تر له 24 ئاب گوزه‌يشت.
