ته‌ندروستى كوردستان وشدارى دا له به‌رزه‌وبوين تويشبوين وه كۆرۆنا
2020-06-18T10:03:56+00:00
شه‌فه‌ق نيوز/ دكتۆر سامان به‌رزنجى وه‌زير ته‌ندروستى له هه‌رێم كوردستان، وشدارى دا له به‌رزه‌وبوين وه‌رده‌وام تويشبوين و مردن وه ڤايرۆس كۆرۆنا له هه‌رێم.
به‌رزنجى له به‌ياننامه‌يگ ئه‌را ئاژانس شه‌فه‌ق نيوز وت: مامڵه‌كردن ناجدييه‌ت وه‌ل كۆرۆنا و پابه‌ندنه‌وين وه رينمايه‌يل ته‌ندروستى و سه‌رپيچيكردن له جيوه‌جيكرن رێ وشوونه‌يل خوه‌يپاريزى، هه‌ڕه‌شه‌ى مه‌ترسيداريگه و سه‌ره‌تايگه ئه‌را فراوانبوين بڵاوبوينه‌وه‌ى ڤايرۆسه‌گه‌و تويشبوين سه‌دان له هاووڵاتيه‌يل و به‌رزه‌وبوين حاڵه‌ته‌يل مردن ئه‌را ده‌يان حاڵه‌ت رووژانه.
يه‌يش له‌وه‌ختيگه له ماوه‌ى 24 سه‌عات گوزيشت، وه‌زاره‌ت ته‌ندروستى له هه‌رێم كوردستان 16 حاڵه‌ت مردن تۆمار كرد وه 166 حاڵه‌ت تازه‌ى تويشبوين وه كۆرۆنا.
