به‌لجيكا ئاماده‌س په‌ره‌ بيه‌ێده‌ په‌يوه‌نديه‌يل بازرگانى وه‌ل هه‌رێم كوردستان

به‌لجيكا ئاماده‌س په‌ره‌ بيه‌ێده‌ په‌يوه‌نديه‌يل بازرگانى وه‌ل هه‌رێم كوردستان
2020-02-03T18:41:22+00:00

شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، پيشوازى له‌ شانديگ باڵا كرد وه‌ سه‌رۆكايه‌تى فيليب گۆفين وه‌زير كاروبار خارجى و وه‌زير وه‌رگرى به‌لجيكى.

 

له‌و دانيشتنه‌ باس له‌ دويايين رويداگه‌يل و باودوخ عراق و ناوچه‌گه‌و چوينێتى پته‌وكردن په‌يوه‌نديه‌يل ناونى هه‌رێم كوردستان و به‌لجيكا كريا، بيجگه‌ گرنگى وه‌رده‌وامى ده‌سميه‌تداين عراق و هه‌رێم كوردستان له‌وه‌ر له‌ناوبردن هه‌ڕه‌شه‌يل وه‌رده‌وام ريكخرياگ تيرۆريستى داعش.

 

لاى خوه‌يه‌و وه‌زير خارجيه‌ى به‌ه‌لجيكا سوپاسگوزارى له‌ هه‌رێم كوردستان كرد له‌وه‌ر له‌خوه‌يگرتن ئاواره‌و په‌نابه‌ره‌يل و له‌ هه‌مان وه‌خت ئاماده‌يى وڵاته‌گه‌يشى ده‌رخست ئه‌را په‌ره‌داين وه‌ په‌يوه‌نديه‌يل ناونى هه‌ردوگلا، له‌وانه‌يش په‌يوه‌نديه‌يل بازرگانى.

Shafaq Live
Shafaq Live