بارزانى پيروزبايى سه‌رساڵ ئێزيدى ئه‌كا

بارزانى پيروزبايى سه‌رساڵ ئێزيدى ئه‌كا
2020-04-14T20:35:41+00:00

شه‌فه‌ق نيوز/ مه‌سعود بارزانى سه‌ركرده‌ى كورد، په‌ياميگ پيروزبايى ئاراسته‌ى ئێزيديه‌يل كوردستان و جه‌هان كرد وه‌ بوونه‌ى سه‌رساڵ ئايينى ئێزيدى و دڵنياييش وه‌پيان دا له‌باره‌ى ئه‌وه‌گ كوردستان جوور وڵاتيگ ئه‌را وه‌يه‌كه‌وژيان و برايه‌تى مينێد.

 

بارزانى له‌ په‌يامه‌گه‌ى ك روينويسيگى ره‌سيه‌ شه‌فه‌ق نيوز وت:  وه‌ بوونه‌ى هاتن سه‌رساڵ ئايينى ئێزيدييه‌و، وه‌دڵ پيرۆزبايى له‌ گشت براو خوه‌شكه‌يل ئێزيدى له‌ كوردستان و جه‌هان ئه‌كه‌يم و ئاره‌زوو خوه‌شى و به‌خته‌وه‌رى ئه‌رايان ئه‌خوازيم.

 

بارزانى هه‌ميش وت: خوه‌يشك و برايه‌يل ئێزيدى جوور به‌شيگ ره‌سه‌ن له‌ ملله‌ته‌گه‌مان تويش ده‌رده‌سه‌رى و مه‌ينه‌تيه‌يل فريه‌يگ هاتن و دوشمنه‌يل ملله‌ته‌گه‌مان وه‌هه‌مان ئامانج ئه‌نفال و كيمياواران، بيجگه‌ ئه‌وه‌گ وه‌ دڕنده‌ترين شيوه‌ رق و كينه‌ت خوه‌يان له‌بان ئێزيديه‌يليش رشاننه‌، له‌ هه‌مان وه‌خت فره‌ترين توانايانيش ئه‌را داوڕان خوه‌يشكك و برايه‌يل ئێزيدى له‌ ملله‌ته‌گه‌مان هاوردنه‌سه‌ كار، وه‌لێ له‌وه‌رانوه‌ر ئيراده‌ى پته‌و نه‌ته‌وه‌يى و نيشتمانپه‌روه‌رانه‌ى ئێزيديه‌يل، هه‌وڵه‌يل دوشمن بى ده‌رئه‌نجام بويه‌.

Shafaq Live
Shafaq Live