بەرزەوبوین شمارەی تۊشهاتنەیل کۆرۆنا لە هەرێم کوردستان

شەفەق نیوز/ وەزارەت تەندروسی لە هەرێم کوردستان، ئمڕوو شەممە، بەرزەوبوین شمارەی تۊشهاتنەیل وە ڤایرۆس کۆرۆنا وەرانوەر دویەکە راگەیان، وەگەرد وەردەوامی توومارنەکردن هویچ مردنیگ یە ٣٤ رووژە.  

تەندروسی هەرێم کوردستان لە بەیاننامیگ رەسیە ئاژانس شەفەق نیوز وت: ١٨٠٧ وەشکین ئەنجام دریا، لەناویان ٢٨ تویشهاتن وە ڤایرۆس کۆرۆنا ئاشکرا بوی، تا گشت شمارەگە بڕەسێدە ٤٣٨٢٦٣.

وەزارەتەگە وتیش: ٣١ بیمار لە پەتاگە خاسەوبوین، تا گشت شمارەی تۊشهاتنەیل بڕەسێدە ٤٣٠٤٧٩ کەس. 

هەرلیوا،  هەرێم کوردستان لە ماوەی ٢٤ سەعات گوزەشتە هویچ مردنیگ وە پەتاگە توومار نەکرد، وەگورەی بەیاننامەی وەزارەت تەندروسی هەرێم کوردستان، تا شمارەی مردنەیل لەپای ٧٤٥٠ بمینێد.   

دویەکە جمعە، وەزارەت تەندروسی لە حکومەت هەرێم کوردستان، تویشهاتن ١٨ کەس ٢٣ ڤایرۆس کۆرۆنا توومار کرد.