ئاسايش سێ رفياێ له‌ناو تونێليگ بويچگ قورتار كرد
2020-02-17T08:56:13+00:00
شه‌فه‌ق نيوز/ هيزه‌يل ئاسايش تويه‌نستن سێ كه‌س قورتار بكه‌ن له‌وانه‌گ رفياوين و ده‌سوه‌سه‌ر كرياوين له ناوچه‌يگ له‌ناونى هه‌ردوگ قه‌زاى كفرى و خورماتوو.
وه‌گووره‌ى زانياريه‌يل، ئه‌و هه‌رسێ رفياگه‌يله خه‌ڵك پاريزگاى هه‌ولێرن، يه‌كيگ له‌ليان كورده‌و ئه‌و دووانه‌گه‌يش عه‌ره‌ب ك له‌ناو تونێليگ بويچگ له‌ناونى هه‌ردوگ ناوچه‌ى داوده و زه‌نگنه ده‌سوه‌سه‌ر كرياوێن.
جى باسه، هيمان ئه‌و هه‌رسێ رفياگه‌يله هانه لاى ئاسايش و هويچ لايه‌نيگ وه‌رپرسيش له‌باره‌ى رفانيان وه‌رپرسيارێتى خوه‌ى ده‌رنه‌خستگه.
