13 كه‌س وه‌ ته‌قه‌كردن له‌ ئاهه‌نگ راوناين كۆرۆنا له‌ دهۆك زه‌خمدار بوين

13 كه‌س وه‌ ته‌قه‌كردن له‌ ئاهه‌نگ راوناين كۆرۆنا له‌ دهۆك زه‌خمدار بوين
2020-04-23T09:55:09+00:00

شه‌فه‌ق نيوز/ ئيواره‌ى دويه‌كه‌ 13 كه‌س له‌ ئه‌نجام ته‌قه‌كردن له‌وه‌خت ئاهه‌نگسازى وه‌ بوونه‌ى راونيان و نه‌مه‌ندن ڤايرۆس كۆرۆنا له‌ پاريزگاى دهۆك له‌ هه‌رێم كوردستان زه‌خمدار بوين.

له‌ى باوه‌ته‌و، سه‌رچه‌وه‌يگ له‌ ته‌ندروستى دهۆك ئه‌را شه‌فه‌ق نيوز وت: 13 كه‌س وه‌شيوه‌يگ جياجيا زه‌خمدار بوينه‌ له‌گشت پاريزگاگه‌ له‌ ئه‌نجام ته‌قه‌كردن هه‌ڕه‌مه‌كى له‌لايه‌ن ئاهه‌نگسازه‌يله‌و.

سه‌رچه‌وه‌گه‌ وت: بڕيگ له‌و مه‌ردمه‌ سه‌رپيچى له‌ رينمايه‌يل وه‌رده‌وام كردنه‌ له‌ى باوه‌ته‌وه‌و ده‌سكردنه‌سه‌ ته‌قه‌كردن و يه‌يش له‌يوا كردگه‌ شماره‌يگ مه‌ردم زه‌خمدار بوون.

لاى خوه‌ييشه‌و، ئه‌مير عه‌لى وه‌ڕيه‌وبه‌ر ره‌سانن ته‌ندروستى زاخۆ ئه‌را شه‌فه‌ق نيوز وت: سێ كه‌س قه‌زاى زاخۆ له‌ ئه‌نجام ته‌قه‌كردن هه‌ڕه‌مه‌كى زه‌خمدار بوينه‌ له‌ ئاهه‌نگ به‌تاڵبوين پاريزگاگه‌ له‌ ڤايرۆس كۆرۆنا.

Shafaq Live
Shafaq Live