گرووپه‌يل چه‌كدار ده‌روازه‌يگ مه‌رزێ كۆنترۆڵ كردنه و پيشوازى له كاروان بازرگانى ناكا
شه‌فه‌ق نيوز/ سه‌رچه‌وه‌يل ئاگادار باس له‌وه كردن گرووپه‌يل چه‌كدار زاڵ بوينه‌سه بان دروازه‌ى مه‌رزێ ئه‌لقائم له‌ناونى عراق و سورياو ئاماژه وه‌يه‌يش كرد ده‌روازه‌گه پيشوازى له هويچ كاروانيگ بازرگانى يا گه‌شتكه‌ره‌يل ناكا له‌وه‌ختيكه دوباره واز كرياگه ئه‌را ماوه‌ى دو مانگ و نيمه.
يه‌يش له‌وه‌ختيگه عراق وه فه‌رمى ده‌روازه‌ى ئه‌لقائم له 30 ئه‌يلوول گوزه‌يشت وازكرد، تا بدێده يه‌كه‌م ده‌روازه‌ى ده‌يشتايى ناونى عراق و سوريا له‌وه‌ختيگه‌و به‌سياگه تائيسه دوياى ئه‌وه‌گ ريكخرياگ داعش روێوه‌ر فراوانيگ له باكوور و خوه‌رئاواى عراق داگير كرد.
جى باسه، سێ ده‌روازه‌ى سه‌ره‌كى عراق و سوريا ئه‌وه‌سێده يه‌كه‌و ك له هه‌رسێگيان ناو جياواز ديرن له هه‌ردوگ ديم عراق و سوريا و پيهاتنه له: ئه‌لقائم و ئه‌لوه‌ليد و ره‌بيعه, ك هه‌رسێ ده‌روازه‌گه وه‌بوونه‌ى داگيركارى داعشه‌و له‌ناونى ساڵه‌يل 2013 و 2014 داخريان.
