پاريزگايگ عراقى هه‌فته‌مين حاڵه‌ت مردن وه كۆرۆنا تۆمار كرد
2020-06-04T10:58:23+00:00
شه‌فه‌ق نيوز/ سه‌رچه‌وه‌يگ ئاشكراى مردن كه‌سيگ تويشبوى وه ڤايرۆس كۆرۆنا كرد له پاريزگاى موسه‌نا.
له‌ى باوه‌ته‌و، سه‌رچه‌وه‌يگ پزيشكى له پاريزگاى موسه‌نا ئه‌را ئاژانس شه‌فه‌ق نيوز وت: كه‌سيگ له ته‌مه‌ن چل ساڵان ك تويش ڤايرۆس كۆرۆنا بويه‌و له نه‌خوه‌سخانه‌ى ئه‌لحسێن له سه‌ماوه كه‌ره‌نتين كرياگه، گيان له‌ده‌سداگه.
جى باسه، سه‌رچه‌وه‌گه يه‌يش ده‌رخست ك يه‌يش هه‌فته‌مين حاڵه‌ت مردن بويه وه ڤايرۆس كۆرۆنا له پاريزگاگه له‌وه‌ختيگه‌و په‌تاگه له پاريزگاگه بڵاوه‌و بويه.
