پاريزگايگ عراقى: كه‌سه‌يليگ هاتگ له‌ده‌يشت پاريزگاگه ڤايرۆسه‌گه ئه‌رامان جيواز كردنه
شه‌فه‌ق نيوز/ شانه‌ى قه‌يران له سه‌ڵاحه‌دين، ئاشكراى هووكار به‌رزه‌وبوين شماره‌ى حاڵه‌ته‌يل تويشبوين وه ڤايرۆس كۆرۆنا كرد و ره‌خنه‌يش له پابه‌ندنه‌وين وه رێ وشوونه‌يل قه‌يه‌غه‌ى خوه‌يپاريزى گرت.
له‌ى باوه‌ته‌و، جه‌مال عه‌گاب قسه‌ر فه‌رمى وه‌ناو شانه‌گه ئه‌را ئاژانس شه‌فه‌ق نيوز وت: شماره‌ى تويشبوين وه ڤايرۆس كۆرۆنا له سه‌ڵاحه‌دين له‌ى مانگه به‌رزه‌و بويه ئه‌را 89 حاڵه‌ت، له‌ناونيان 18 حاڵه‌ت خاسه‌وبوين و حاڵه‌تيگ مردن تۆمار كريا، ئه‌ويش له‌وه‌ر ئه‌وه‌گ مه‌ردم پابه‌ند نين وه قه‌يه‌غه‌ى خوه‌يپاريزى.
عه‌گاب هووكار سه‌ره‌كى جيوازبوين ڤايرۆسه‌گه و به‌رزه‌وبوين شماره‌ى حاڵه‌ته‌يل تويشبوين برده‌و ئه‌را كه‌سه‌يل هاتگ له ده‌يشت پاريزگاگه له ده‌زگايه‌يل ئه‌منى و وت: زوورم حاڵه‌ته‌يل تويشبوين وه‌بوونه‌ى وه‌ركه‌فتن هاتگه‌يل له ده‌يشت پاريزگاگه بويه.
