پاريزگايگ عراقى 11 حاڵه‌ت مردن وه كۆرۆنا له يه‌ك رووژ تۆمار كرد
شه‌فه‌ق نيوز/ سه‌رچه‌وه‌يگ وه‌رپرس پزيشكى، ئاشكراى تۆماركردن 11 حاڵه‌ت مردن وه ڤايرۆس كۆرۆنا كرد له پاريزگاى واست، ئه‌ويش له گه‌وراترين ده‌رئه‌نجاميگ ئه‌را حاڵه‌ت مردن وه په‌تاگه له ماوه‌ى 24 سه‌عات.
سه‌رچه‌وه‌گه ئه‌را ئاژانس شه‌فه‌ق نيوز وت: پاريزگاى موسه‌نايش حاڵه‌تيگ مردن وه ڤايرۆسه‌گه ئه‌را پياويگ چل ساڵان تۆمار كردگه. وه‌ل ئه‌وه‌يشا فه‌رمانگه‌ى ته‌ندروستى پاريزگاگه ئاشكراى به‌رزترين شماره‌ى تويشبيون كرد وه كۆرۆنا له‌وه‌ختيگه‌و په‌تاگه روێ له پاريزگاگه كردگه
جى باسه، شماره‌ى تويشبوين وه ڤاريرۆس كۆرۆنا وه‌شيوه‌يگ وه‌رچه‌و له پاريزگاى واست روێ له به‌رزه‌وبوين كرد و رووژ په‌نجشه‌ممه‌ى گوزه‌يشت فه‌رمانگه‌گه له به‌ياننامه‌يگ ئه‌را ئاژانس شه‌فه‌ق نيوز وت: ئه‌و حاڵه‌ته‌يل تويشبوينيشه ك ته‌شخيس كريانه له‌و رووژه ره‌سيه‌سه 233 حاڵه‌ت.
