وه‌زير ته‌ندروستى له دياله باس له ده‌رئه‌نجامه‌يل كۆرۆنا كرد
2020-05-26T12:30:38+00:00
شه‌فه‌ق نيوز حه‌سه‌ن ته‌ميمى وه‌زير ته‌ندروستى عراقى، سه‌ردان پاريزگاى دياله كرد، وه‌خاتر تاوتوێكردن ده‌رئه‌نجامه‌يل ڤايرۆس كۆرۆنا و ريه‌يل پشتگيريكردن پاريزگاگه له‌وه‌ر نواگيرى له بڵاوبوينه‌وه‌ى په‌تاگه.
له‌ى باوه‌ته‌و، ياسر به‌در وه‌ڕيه‌وبه‌ر ره‌سانن پاريزگاگه ئه‌را ئاژانس شه‌فه‌ق نيوز وت: حه‌سه‌ن ته‌ميمى وه‌زير ته‌ندروستى ره‌سيه‌سه پاريزگاگه‌و دانيشنيگ فراوان وه‌ل شانه‌ى قه‌يران ناوچه‌يى ئه‌نجام داگه ئه‌را روێ وه‌ڕوێ بوينه‌وه‌ى په‌تاى كۆرۆنا.
به‌در هه‌ميش وت: له‌و دانيشنه باس له ڕيه‌يل روێ وه‌ڕوێ بوينه‌وه‌ى په‌تاى كۆرۆنا و پيشكه‌شكردن پشتگيرى ئه‌را دياله كرياگه‌و باس له‌وه‌يش كرد وه‌زير كۆنگره‌يگيش رووژنامه‌گه‌رى ساز ئه‌كا دوياى ته‌واوبوين دانيشتنه‌گه.
