وه‌رپرسيگ ئه‌مريكى جواو هه‌ڕه‌شه‌گه‌ى سه‌در ئه‌ياده‌و
شه‌فه‌ق نيوز/ وه‌رپرسيگ ئه‌مريكى جواو لێدوانه‌يل موقته‌دا سه‌در سه‌ركرده‌ى ره‌وت سه‌درى داره‌و ك له‌تى په‌لامار واشنتۆن دا له‌ئه‌نجام به‌ياننامه‌ى ماڵ چه‌رمگ و له‌تى نگه‌رانى خوه‌ى ده‌رخست وه‌رانوه‌ر ده‌سدريژيه‌يل وه‌رده‌وام دژ خوه‌ينيشانده‌ره‌يل و چالاكوانه‌يل مه‌ده‌نى و هووكاره‌يل ره‌سانن و بڕين ئه‌نته‌رنێت له عراق.
له ته‌عليقيگ ئه‌را كه‌ناڵ "ئه‌لحوڕه"ى ئه‌مريكى له‌بان به‌ياننامه‌گه‌ى سه‌در ك له‌بان ماڵپه‌ڕ تويته‌ر بڵاويه‌و كرد و له‌تى هه‌ڕه‌شه له ئه‌مريكا كرد، وه‌رپرسيگ له خارجيه‌ى ئه‌مريكا وت: وڵاته‌يل يه‌كگرتگ وه چه‌واشه‌ى ئيران، پابه‌نده وه عراقيگ سه‌روه‌ر و وه‌هيز و پيشكه‌فتگ.
جى باسه، يه‌يش له‌وه‌ختيگه زويتر سه‌ده‌ر قسه وه ئداره‌ى ئه‌مريكى كرد و له‌تى هه‌ڕه‌شه‌ى كووتايى وه وجوودى كرد له عراق له حاڵه‌تيگ ئه‌گه‌ر واز له عراق نارێد و جوور ده‌خاڵه‌تكار له كاروبار وڵات تاريفى كرد وه‌بى ئاماژه‌كردن ئه‌را ئيران، ك چه‌وديره‌يليش ئى قسه‌يله وه تويڕه‌ييگ له سه‌ركرده‌ى ره‌وت سه‌درى زانستن له ئه‌نجام زاڵبوين ته‌هران له‌بان وڵاته‌گه.
