وەرگیری شارستانی مووسڵ ئاگر ناو خەسخانەیگ کپەوکەێد لە 37 بیمار چوڵیەوکەێد
2024-02-27T11:22:14+00:00
شەفەق نیوز/ وەرگیری شارستانی پارێزگای نەینەوا، ئمڕوو سێشەممە، توەنستن ئاگریگ کپەوبکەن کە لەناو ئەمار خەسخانەی سەلام هیزگردبوی، لە باشوور خوەرهەڵات موسڵ، ناوەن پارێزگای نەینەوا، و شمارەیگ بیمار لەناو قاویشەیل خەسخانە دەرکریانە وەبی ئەوەی هویچ زەخمداریگ روی بدەێد.
سرچەوەیگ لە وەرگیری شارستانی وە ئاژانس شەفەق نیوز وت " لەناو ئەمار پاڵاوگەیل وەکارهاتی لە نهۆم بان زەوی خەسخانەی سەلام لە موسڵ ئاگریگ هیزگردیە، تیمەیل کپەوکردن توەنستنە وەبی هویچ زەخمداریگ کپیەوبکەن "وتیش وەرگیری شارستانی " 37 بیمار لەناو قایش خەسخانەگە دەرکردنە لەدویای بڵاوبوین دویکەڵ وەناو خەسخانەگە".
