هه‌وڵيگ تيرۆريستى ئه‌را په‌لامارداين خوه‌ينيشانده‌يل له عراق پويچه‌ڵ كريا
شه‌فه‌ق نيوز/ شانه‌ى سقوور هه‌واڵگيرى پويچه‌ڵ وه پلانيگ تيرۆرستى هاورد ئه‌را وه‌ئامانجگرتن مه‌يدانه‌يل خوه‌ينيشانداين و هيزه‌يل ئه‌منى له به‌غدا و پاريزگايه‌يل، هه‌ر له‌وه‌ر ئه‌وه‌يش تيرۆريستيگ وه‌رپرس له‌و كاره ده‌سگير كريا.
له‌ى باوه‌ته‌و، رووژنامه‌ى ئه‌لسه‌باح نيمچه فه‌رمى له شماره‌ى ئمڕووى له زووان ئه‌بو عله‌ى به‌سرى وه‌ريه‌وبه‌ر گشتى هه‌واڵگيرى و دژه تيرۆر و سه‌رۆك شانه‌ى سقوور هه‌واڵيگرى ئه‌وه ده‌رخست ك مه‌ترسيدارين كرده‌وه‌يگ تيرۆريستى پويچه‌ڵ كرياگه ك له‌تى پلان ئه‌را ئه‌نجامداين ته‌قينه‌وه‌و وه‌ئامانجگرتن هيزه‌يل ئه‌منى و خوه‌ينيشانده‌ره‌يل دانرياگه له به‌غداو پاريزگايه‌يل له‌وه‌ر دروسكرن ئاژاوه‌و ئاشووگه‌رى و جه‌نگ ناوخوه‌يى و وه‌كارهاوردن له به‌رژه‌وه‌ندى ترۆريستى ك ئامانج له‌لى كوشيان زياتر مه‌ردم بيتاوان و ويرانكردن ئابوورى نيشتمانى بويه.
جى باسه، به‌سرى جه‌خت له‌وه‌يش كرد ئه‌و تيرۆريسته ك ده‌سگير كرياگه‌و ته‌كليف ئه‌را ئه‌نجامداين ئه‌و كاره كرياگه، يه‌كيگ بويه له ديارترين سه‌ركرده‌يليگ له ريكخرياگ تيرۆريستى.
