هاوپەیمان سەدر راگەیان رەتکردن ئەنجامدان هەڵبژاردنەگە لەلایەن نەتەوە یەکگرتووەگان
شەفەق نیوز/ هاوپەیمان سائیرون وە سەرپەرشتیاری موقتەدا سەدر سەرکردەی شەپۆل سەدری ، ئمڕوو شەممە، راگەیان رەتکردن ئەنجامدان هەڵبژاردنە پەرلەمانیەگە لە عراق لەلایەن نەتەوە یەکگرتووەگان.
ریاز مەسعودی نوێنەر هاوپەیمانەگە لە پەرلەمان ئەرا ئاژانس شەفەق نیوز وت: گشت هەڵبژاردنەگان لە دەوڵەتەیل جهان وە چەودیریکردن ناودەوڵەتی ئەنجام دریەن، و دیاری کرد ک شیوەی چەودیریەگە لەدەوڵەت تا دەوڵەت جیوازە، و لە فرەی دەوڵەتەگان چەودیریکردنەگە شیوەییە.
مەسعودی دیاری کرد ک هێزە سیاسیە عراقیەگان و یەکەمیان شەپۆل سەدریە، داوا کردن ک هەڵبژاردنە زوینەگە وە سەرپەرشتیاری ناودەوڵەتی و نەتەوەیی بوود، و جەخت لەوە کرد ک سەرپەرشتیاری لەبان هەڵبژاردنەگە بوود نەگ ئەنجامدان هەڵبژاردن بکریەێد.
ودیاری کرد ک واتە ک نەبایەت نەتەوە یەکگرتووەکان یا هەر لایەنیگ ناودەوڵەتی هەڵبژاردن عراقی ئەنجام بیەێد، و دووپات کرد ک ئی کارە رەتکریاگە و وەپی رازی نێویمن.
و دووپات کرد ک ئیمە بەشداربوین نەتەوە یەکگرتووەکان لە ووردەکاریەیل هەڵبژاردنە زوینەگە لە عراق رەت کەیمن، وەوجوورەگ رەت هەر دەسوەردانیگ راستەخۆ لەی کارە کەیمن، و دیاری کرد ک ئیمە هایمنە گەرد تەنیا سەرپەرشتیاری لەبان هەڵبژاردنەگە، و چەودیریکردن و رەوانگە لەبان ئامێرەیل دەنگدانەگان و کارەیل لەیەککردن و ژمێریاری بوود.
وەرجەیە، نوری مالکی سەرکردەی هاوپەیمان دەوڵەت یاسا راگەیان رەتکردنی لە سەرپەرشتیاری ناودەوڵەتی لەبان هەڵبژاردن چەوەڕیکریاگ عراق.
