نه‌سروڵڵا: له‌ دانيشتنم وه‌ل سلێمانى وه‌رجه‌ كوشيانى خه‌ريك وه‌ دوسيه‌ى عراق بوێ

نه‌سروڵڵا: له‌ دانيشتنم وه‌ل سلێمانى وه‌رجه‌ كوشيانى خه‌ريك وه‌ دوسيه‌ى عراق بوێ
2020-02-13T08:27:07+00:00

شه‌فه‌ق نيوز/ حه‌سه‌ن نه‌سروڵڵا ئه‌ميندار گشتى حزبوڵڵاى لوبنانى باس له‌وه‌ كرد دانيشتنيگ وه‌ل قاسم سلێمانى سه‌ركرده‌ى فه‌يله‌ق قودس له‌ پاسه‌وان شۆرش ئيرانى ئه‌را ماوه‌ى شه‌ش تا هه‌فت سه‌عات ئه‌نجام داگه‌ وه‌رجه‌ كوشيانى له‌ په‌لاماريگ ئه‌مريكى له‌ به‌غداى پايته‌خت عراق.

 

نه‌سڕوڵڵا له‌و  وه‌خته‌ پرسيار له‌ كه‌سيگ نزيك له‌ سلێمانى كردگه‌ ئه‌گه‌ر نياز بياشتوود سه‌ردان به‌يروت بكا، وه‌لێ وه‌پى وتگه‌ سلێمانى ئه‌خوازيد سه‌ردان عراق بكا، وه‌رجه‌ ئه‌وه‌گ چه‌وێ وه‌پى بكه‌فێد له‌ ده‌مه‌و شه‌وه‌كى چوارشه‌ممه‌ له‌ به‌يروت، ك رووژ سێشه‌ممه‌ ره‌سيه‌سه‌ ديمه‌شق.

 

له‌باره‌ى جه‌ختكردن له‌وه‌گ سلێمانى وه‌شيوه‌ى قويليگ ده‌خاڵه‌ت له‌ دوسيه‌ى عراق كردگه‌، نه‌سروڵڵا سه‌رى سوڕمه‌ندگه‌ له‌ سه‌ردان سلێمانى، له‌وه‌ر ئه‌وه‌گ له‌و رووژه‌يله‌ فريه‌ خه‌ريك بويه‌ وه‌ دوسيه‌ى عراق، جوور ئه‌وه‌گ خوه‌ى باسى كرد.

 

وه‌لێ له‌باره‌ى ئه‌و له‌حزه‌يله‌ ك سلێمانى كوشيا، نه‌سروڵلا له‌ ديمانه‌يگ وه‌ل ته‌له‌فزيۆن فه‌رمى ئيرانى ئه‌وه‌ ده‌رخست ك له‌ناكاويگ چه‌وى كه‌فته‌سه‌ شاشه‌ى ته‌له‌فزيۆن له‌وه‌خت خوه‌نينه‌وه‌ى هه‌واڵه‌ وه‌په‌له‌گه‌ له‌باره‌ى كوشيان سلێمانى له‌ ته‌ياره‌خانه‌ى به‌غداو دى زانستمه‌ بارودوخ له‌ عراق گرژه‌و بويه‌ دوياى بۆردومانكردن بنگه‌يل حه‌شد شه‌عبى و دوياى ئه‌وه‌يش رويداگه‌يل باڵيۆزخانه‌ى ئه‌مريكى.

Shafaq Live
Shafaq Live