مەندەلاوی: زیاتر لە ٢٠ هەزار شەهید و ١٣٠ هەزار خیزان ئاوارە لە کوردەیل فەیلی هەس
یەیش لە ناو ڕێوڕەسم ساڵانەی یاد رووژ شەهید فەیلی، وە پاڵپشتی مەندەلاوی، وە هاوکاری دەزگای شەهیدان، وە بەشداری پەرلەمانی، حکومی، دیپلۆماسی، رووشنهویری و کۆمەڵایەتی.
مەندالاوی لە وتاریگ کە لە مەراسیمەگە پیشکەشی کرد، وت: کوردەیل فەیلی تویش تونترین شیوەیل نادادپەروەری و گووشەگیری بوین و هەڵمەت سیستماتیکی رژیم وەرین لەدژ ئەوان وەردەوام بوی، سەرەتا وە هەڵوەشانن ڕەگەزنامە دەسوەپی کرد، ئیجا هەڵمەتەیل ئاوارەکردن، بارکردن، سەرگەردانی، وەشوینکەفتن و زەفتکردن موڵک و ماڵیان، وە جویریگ کە زیندانەیل پڕکریان وەوان، و دویای ئەوە هەڵمەتەیل لەسێدارەدان و شکەنجەدان، و ئیمەیش لەو باوەتە.'' چیرووک و باسەیلیگ دڵشکن." دیریمن.
وتیش: ئامارە حکومی و ناودەوڵەتییەیل دەسنشان ئەوە کەن کە لە ناوەین ساڵەیل 1980 تا 1981 زیاتر لە 20 هەزار شەهید و 130 هەزار خیزان فەیلی ئاوارە بوین، داوای لاوردن ئەو کاریگەرییە بەدەیلە کرد کە لە ئەنجام بڕیارەیل رژیم وەرین لەبان مافەیل کور فەیلی دروسبویە.
