له ويرانكردن بنگه‌يل داعش له خانه‌قين شماره‌يگ تيرۆرست كوشيان و زه‌خمداربوين
2020-05-21T10:27:21+00:00
شه‌فه‌ق نيوز/ سه‌ركرده‌يگ له حه‌شد شه‌عبى، ئاشكراى كه‌فتنه‌وه‌ى كوشيان و زه‌خمداربوين كرد له‌ئه‌نجام ويرانكردن بنگه‌يل داعش له ده‌ورگرد قه‌زاى خانه‌قين وه دويرى 105كم له باكوور خوه‌رهه‌ڵات باقووبه.
له‌ى باوه‌ته‌و، به‌شير موزاحم عه‌نبه‌گى فه‌رمانده‌ى ليواى 21 له حه‌شد شه‌عبى ئه‌را ئاژانس شه‌فه‌ق نيوز وت: عيزه‌يل ليواگه بنگه‌و جموجويله‌يليگ چه‌كداره‌يل داعش له ده‌ورگرد ده‌رياچه‌ى ئه‌ڵوه‌ن له خوه‌رهه‌ڵات خانه‌قين كردنه‌سه ئامانج و خسته‌يانه‌سه وه‌ر بۆردومان مه‌دفه‌عيه‌ى 120ملم و تيه‌نستگه وه‌ته‌واوى ويرانيان بكا.
جى باسه، عه‌نبه‌گى هه‌ميش وت: شماره‌ى كوشياگه‌يل له ريكخرياگ تيرۆريستى داعش له‌ى بۆردومانه وه ته‌واوى ئاشكرا نيه، وه‌لێ له كوشيان و زه‌خمداربوين له بۆردومانه‌گه له داعشيه‌يل كه‌فته‌سه‌و.
