له به‌سره ئه‌فسه‌ريگ عراقى له ئه‌نجام ته‌قه‌كردن كوشياو چه‌ن كه‌سيگيش زه‌خمدار بوين
2020-04-19T10:16:17+00:00
شه‌فه‌ق نيوز/ ئه‌فسه‌ريگ عراق كوشياو سێ كارمه‌نديش زه‌خمدار بوين، له ئه‌نجام ته‌قه‌كردن وه‌ل چه‌ته‌يليگ بازرگانيكه‌ر وه مادده‌ى هووشبه‌ر له به‌سره له باشوور وڵاته‌گه.
له‌ى باوه‌ته‌و، سه‌رچه‌وه‌يگ ئه‌منى ئه‌را شه‌فه‌ق نيوز وت: دوياى نيمه‌ى شه‌و مه‌فرزه‌يگ سه‌ر وه به‌ش مادده‌يل هوشبه‌ر به‌سره ده‌رچينه‌سه ئه‌ركيگ ئه‌را ده‌سگيركردن چه‌ته‌يليگ بازرگانيكه‌ر وه مادده‌يل هووشبه‌ر له ناوچه‌ى ياسين خرێبت و له ئه‌نجام ئه‌وه‌يش تويش ته‌قه‌كردن هاتنه له‌لايه‌ن ئه‌و چه‌ته‌يله‌و.
سه‌رچه‌وه‌گه باس له‌وه‌يش كرد له‌و رويداگه ئه‌فسه‌ريگ وه پله‌ى نه‌قيب وه‌ناو عه‌قيل مه‌ياحى كوشياگه‌و چه‌ن كارمه‌نديگيش زه‌خمدار بوينه وه‌ل زه‌خمداربوين كه‌سيگ تر له فه‌وج ته‌وارى.
