كۆمه‌ڵه‌يگ عراقى چه‌ن ريگه‌چاره‌يگ دژ كۆرۆنا خستنه‌ڕوێ

كۆمه‌ڵه‌يگ عراقى چه‌ن ريگه‌چاره‌يگ دژ كۆرۆنا خستنه‌ڕوێ
2020-03-24T09:36:52+00:00

شه‌فه‌ق نيوز/ كۆمه‌ڵه‌ى بايلۆجى عراقى ئاشكراى چه‌ن داهێنان و په‌ره‌داينيگ ته‌شخيسى كرد ئه‌را ده‌رخستن پيشوه‌خته‌ له‌باره‌ى ڤايرۆس كۆرۆنا له‌و نموونه‌ى تاقيكاريه‌يله‌ ك له‌ نه‌خوه‌ش يا گومانليكرياگه‌يل وه‌رگريه‌ێد له‌ ماوه‌ى 3 سه‌عات و وه‌ دقه‌ت فريه‌يگه‌و.

 

له‌ى باوه‌ته‌و، محه‌مه‌د ئبراهيم مزعه‌ل زاناى توێژينه‌وه‌يل و سه‌رۆك كۆمه‌ڵه‌گه‌ له‌ به‌ياننامه‌يگ وت: شماره‌يگ له‌ توێژه‌ره‌يل و مامۆستاو ئه‌كاديميه‌يل له‌ ده‌سه‌ى ئدارى كۆمه‌ڵه‌گه‌ هه‌وڵ فريه‌يگ دانه‌ له‌ په‌ره‌داين وه‌ چه‌ن ته‌شخيسيگ ئه‌را يه‌كه‌مجار له‌ عراق و ناوچه‌گه‌ وه‌گشى چ عه‌ره‌بى يا هه‌رێمى.

 

باس له‌وه‌يش كرد ئى ته‌شخيسكردنه‌ په‌ره‌ وه‌پى درياگه‌ له‌ هاوشيوه‌يلى وه‌ وه‌كارهاوردن چه‌ن چينه‌يگ تايبه‌ت وه‌ ڤايرۆس وه‌شيوه‌يگ گه‌وراتر ئه‌را دقه‌ت زياتر ك هاوشيوه‌ى ئه‌و ئه‌نجامه‌يله‌سه‌ له‌ وڵاته‌يليگ جوور ئه‌مريكا و چين و ئۆرپا و ده‌وڵه‌ته‌يل تر ده‌رئه‌كه‌فێد، ئاماژه‌ وه‌يه‌يش كرد ئى داواكاريه‌ پيشكه‌ش وه‌ لايه‌نه‌يل په‌يوه‌نديدار عراقى كرياگه‌ له‌وه‌ر مقه‌يه‌تيكردنى جوور داهێنانيگ و چه‌وه‌ڕێ ئه‌نجامه‌گه‌ى ئه‌كريه‌ێد وه‌ل په‌سه‌نكردنى.

Shafaq Live
Shafaq Live