كه‌ركوك ئاڵشتكارى له ته‌كتيكه‌يل روێ وه‌ڕوێ بوينه‌وه‌ى كۆرۆنا كرد له ره‌مه‌زان
2020-04-23T09:43:41+00:00
شه‌فه‌ق نيوز/ وه‌ڕيه‌وبه‌رايه‌تى وه‌رگرى شارستانى له شار كه‌ركوك، ئاشكراى ئاڵشكاريه‌يليگ كرد له رێ وشوونه‌يل تايبه‌ت وه روێ وه‌ڕوێ بوينه‌وه‌ى ڤايرۆس كۆرۆنا له ماوه‌ى مانگ ره‌مه‌زان له سوو جومعه‌وه.
له‌ى باوه‌ته‌و، نه‌قيب قه‌يس عه‌بدولڕه‌زاق وه‌ڕيه‌وبه‌ر ره‌يانن له شارستانى كه‌ركوك ئه‌را شه‌فه‌ق نيوز ئه‌وه ده‌رخست ك وه‌ڕيه‌وبه‌رايه‌تيه‌گه‌ى هه‌ر له‌سه‌ره‌تاى ئاشكراكردن يه‌كه‌م حاڵه‌ت تويشبوين وه ڤايرۆس كۆرۆنا ده‌سكرده‌سه ده‌رمانڕشانن و پاكه‌وكردن وه‌ل تيم CBRN تايبمه‌تمه‌ند وه كيمياويات و بايلۆجى له‌رێ هه‌ڵمه‌ته‌يل پاكه‌وكردن ماڵ تويشهاتگه‌يل.
باس له‌وه‌يش كرد وه خاسترين شيوه زياتر له 400 شوون پاكه‌و كردنه، وه‌لێ ئيسه‌يش ده‌س ئه‌كه‌نه هه‌ڵمه‌ته‌يل تازه‌يگ له مانگ ره‌مه‌زان و ته‌نيا له‌وه‌خت ئيواران.
