"كارمه‌نده‌يل بيكار".. خوه‌ينيشانده‌ره‌يل له به‌سره داواى ده‌سوه‌كاربوين ئه‌كه‌ن
شه‌فه‌ق نيوز/ ده‌يان كه‌س له به‌سره، خوه‌ينيشانداينيگ ريكخستن ئه‌را داواكارى ئه‌وه‌گ ده‌س وه كاره‌يليان بكه‌ن له وه‌زيفه‌يليان، ئه‌ويش دوياى ئه‌وه‌گ له‌ى دوياخره ناويان ده‌رچى له‌ڕێ دامه‌زراننيان.
له‌ى باوه‌ته‌و، په‌يامنێر شه‌فه‌ق نيوز له پاريزگاگه ئه‌وه ده‌رخست ده‌يان كه‌س ك له‌ناونى 2000 پله‌ى وه‌زيفى ناويان له تيروپشك ئى دوياخره ده‌رچيه ئه‌را دامه‌زرانن، خوه‌ينيشانداينيگ له شار وه‌رزشى ريكخستنه له‌وه‌رده‌م باره‌گاى كۆمپانياى نه‌فت به‌سره و داواى ده‌سوه‌كاربوين ئه‌كه‌ن.
يه‌كيگيش له ريكخه‌ره‌يل ئه‌و خوه‌ينيشانداينه وه‌ناو ئه‌حمه‌د زێداوى ئه‌را ئاژانس شه‌فه‌ق نيوز وت: ئى خوه‌ينيشانداينه له‌باره‌ى داواكاريه‌يليانه ك په‌يوه‌سه ده‌سوه‌پيكردن وه‌يفه‌ى 2 هه‌زار پله‌ى وه‌زيفى له نه‌فت به‌سره له‌ناونى 30 كه‌س كه‌س ك له‌ى دوياخره ئاشكرا كريا ئه‌را ده‌زگايه‌يل جياجيا.
