عراق چوار حاڵه‌ت مردن و 57 تويشبوين تازه‌ وه‌ كۆرۆنا تۆمار كرد

عراق چوار حاڵه‌ت مردن و 57 تويشبوين تازه‌ وه‌ كۆرۆنا تۆمار كرد
2020-05-19T20:25:24+00:00

شه‌فه‌ق نيوز/ وه‌زاره‌ت ته‌ندروستى و ژينگه‌ى عراقى، ئاشكراى تۆماركردن 57 حاڵه‌ت تويشبوين تازه‌ و 56 حاڵه‌ت خاسه‌وبوين و 4 حاڵه‌ت مردن وه‌ ڤايرۆس كۆرۆنا كرد له‌ ماوه‌ى 24 سه‌عات گوزه‌يشت له‌ سه‌رانسه‌ر عراق.

وه‌زاره‌ته‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: ئمڕوو وشكانن ئه‌را (4441) نموونه‌ له‌گشت تاقيگايه‌يل تايبه‌تمه‌ند له‌ عراق كرياگه‌، وه‌يه‌يش جه‌م گشتى ئه‌و نموونه‌يله‌ ك وشكانن ئه‌رايان كرياگه‌ له‌سه‌ره‌تاى تۆماركردن په‌تاگه‌ تائيسه‌ ره‌سيه‌سه‌(157662).

وه‌زاره‌ته‌گه‌ هه‌ميش يه‌يش ده‌رخست تاقيگايه‌يلى ئمڕوو (57) تويشبوين له‌ عراق تۆمار كردنه‌، وه‌ى جووره‌:  به‌غدا/ ره‌سافه‌: ٢٦، به‌غداد/ كه‌رخ: ٢٠، شار پزيشكى: ٥، به‌سره‌: ٤، نه‌جه‌ف: ١، سلێمانى: ١.

باس له‌وه‌يش كرد چوار حاڵه‌ت مردنيش تۆمار كريانه‌ وه‌ى جووره‌: به‌غدا/ كه‌خ دو حاڵه‌ت، شار پزيشكى يه‌ك حاڵه‌ت، كه‌ربه‌لا يه‌ك حاڵه‌ت.

Shafaq Live
Shafaq Live