عراق موڵكيه‌ت قه‌ورسان نابلس فلستينى وه‌رگرت
2019-07-15T19:45:21+00:00
شه‌فه‌ق نيوز/ عراق به‌ڵگه‌ى موڵكيه‌ت قه‌ورسانيگ وه‌رگرت ك قه‌ور شه‌هيده‌يل عراقيه له نابلس و زياتر له 200 سه‌رباز عراقى له‌تى وه‌خاك سپاريانه له جه‌نگ ساڵ 1948.
وه‌رگرتن ئى موڵكيه‌ته له دانيشتن ناونى عادل عه‌بدولمه‌هدى سه‌رۆك وه‌زيره‌يل عراقى وه‌ل محه‌مه‌د ئه‌شتيه هاوتا فلستينيه‌گه‌ى ئه‌نجام گرت و يه‌يش گوزارشيگ بوێ له شانازى ئه‌را ئه‌و هه‌ڵويسته ك عراق داشته‌سه‌ى و قوربانى داگه له‌و وه‌خته‌يله.
جى باسه، نويسينگه‌ى سه‌رۆك ئه‌نجومه‌ن وه‌زيره‌يل عراقى له به‌ياننامه‌يگ ئه‌وه ده‌خست ك عه‌بدولمه‌هدى داوه‌ت كرياگه سه‌ردان فلستين بكا.
