عراق كار "روێته‌رز" وسان و تومه‌تبارى كرد

عراق كار "روێته‌رز" وسان و تومه‌تبارى كرد
2020-04-03T09:51:42+00:00

شه‌فه‌ق نيوز/ ده‌سه‌ى ره‌سانن و په‌يوه‌نديه‌يل عراقى كار ئاژانس روێته‌رز له‌ عراق ئه‌را ماوه‌ى 3 مانگ به‌سا و داوايش له‌لى كرد عوزرخوازى بكا له‌ئه‌نجام بڵاوكردنه‌وه‌ى راپۆرتيگ له‌باره‌ى هه‌ڕه‌شه‌ له‌ ئاسايش كۆمه‌ڵگايى ك له‌تى باس له‌وه‌ ئه‌كا شماره‌ى حاڵه‌ته‌يل تويشهاتن وه‌ ڤايرۆس كۆرۆنا له‌و شماره‌ زياتره‌ ك وه‌زاره‌ت ته‌ندروستى ئاشكراى ئه‌كا.

 

ده‌سه‌ى ره‌سانن و په‌يوه‌نديه‌يل عراقى جورم داراييش وه‌ بڕ 25 مليۆن دينار عراقى ك ئه‌كاده‌ نزيكه‌ى 20 هه‌زار دۆلار ئه‌مريكى خسته‌ بان ئاژانسه‌گه‌.

 

جى باسه‌، ده‌سه‌ى ناوبرياى وت: كاره‌يل روێته‌رز وه‌ى شيوازه‌ وه‌ل بارودوخ ئيسه‌ى عراق هه‌ڕه‌شه‌س له‌ ئاسايش كۆمه‌ڵگايى و گرفت ئه‌خاده‌ هه‌وڵه‌يل حكومه‌ت له‌ روێ وه‌ڕوێ بوينه‌وه‌ى ڤايرۆس كۆرۆنا و له‌كه‌دار هه‌وڵه‌يل فراوان شانه‌ى قه‌يران وه‌پى ئه‌كا.

Shafaq Live
Shafaq Live