عراق شيوازيگ تازه له مووچه‌ى كارمه‌نده‌يل په‌يڕه‌و ئه‌كا
2020-04-11T09:47:38+00:00
شه‌فه‌ق نيوز/ ليژنه‌ى دارايى له ئه‌نجومه‌ن نوێنه‌ره‌يل عراق، ئاشكراى ئاماده‌كردن شيوازيگ له مووچه‌ى تازه كرد ك هاوسه‌نگ بدێ له‌ناونى پله‌يل وه‌زيفى له گشت وه‌زاره‌ته‌يل.
له‌ى باوه‌ته‌و، رووژنامه‌ى ئه‌لسه‌باح نيمچه فه‌رمى له شماره‌ى ئمڕووى له زووان عه‌دنان زورفى ئه‌ندام ليژنه‌گه وت: حكومه‌ت له ياساى خزمه‌ت مه‌ده‌نى راسپاردگه ئه‌را داناين يا نه‌خشه‌ى مووچه‌ى تازه ك هاوسه‌نگ بدێ له‌ناونى پله‌يل وه‌زيفى له وه‌زاره‌ته‌يل و ده‌سه‌يل سه‌روه‌خوه‌ى وه‌تايبه‌ت له‌باره‌ى عه‌لاوه‌و به‌رزبوينه‌وه‌ى پله‌يل.
باس له‌وه‌يش كرد ك رينماييش داگه ك ئاستيگ نزمتر و په‌سه‌نكرياێ بدێ ئه‌را كارمه‌ند، وه‌لاى كه‌مه‌و كه‌متر نه‌دێ له 400 - 500 هه‌زار دينار و ئى سياسه‌تيشه پشت وه حكومه‌ت بووه‌سێد نه‌ك له‌بان ئه‌نجومه‌ن نوێنه‌ره‌يل.
